।। उमामहेश्वरस्तोत्रम् ।।
( वृत्त- उपेंद्रवज्रा, अक्षरे- 11, गण - ज त ज ग ग , यति- 5,11 )
नमः शिवाभ्यां नवयौवनाभ्यां
परस्परश्लिष्ट-वपुर्धराभ्याम्
नगेन्द्रकन्या-वृषकेतनाभ्यां
नमो नमः शंकर-पार्वतीभ्याम् ।। 1
( शिवाभ्याम्
– शिव आणि
शक्ती दोघे एकरूप असल्याने दोघांना मिळून शिवाभ्यां म्हणजे कल्याणकारी असा शब्द वापरला
आहे. वृषकेतन – केतन म्हणजे झेंडा किंवा चिह्न.
ज्याच्या ध्वजावर नंदीचे चिह्न आहे असा शंकर )
वसंत भासे नवयौवनाचा । सदा जयांच्या कमनीय काया
कल्याणमूर्ती शिव-शक्तिरूपी । प्रणाम माझा शिवपार्वतीसी ।। 1.1
तरंग नाचे जलपृष्ठभागी । परी तरंगी जल तेच राही
देहार्ध तैसे शिवपार्वतीचे । आलिंगिती नित्य परस्परांशी ।। 1.2
हिमालयाची पवित्र कन्या । तिच्यासवे नंदिवरी शिवाला
उमा-महेशा गिरिजा-गिरीशा । प्रणाम माझा शिवपार्वतीला ।। 1.3
नमः शिवाभ्यां सरसोत्सवाभ्यां
नमस्कृताभीष्ट-वरप्रदाभ्याम् ।
नारायणेनार्चित-पादुकाभ्यां
नमो नमः शंकर-पार्वतीभ्याम् ।। 2
(सरस – घनदाट. उत्सव – आनंद. सरसोत्सव – आनंदघन )
संपृक्त आनंदरसेची दोघे । कृपाळु मेघासम सौख्यदाते
करीति भक्तांवर सौख्यवृष्टी । उमा महेशास प्रणाम
त्याची ।। 2.1
भक्ता मनीचे गुज ओळखोनी । तयास देती वर योग्य तोची
मुकुंद ज्यांचे पद वंदितोची । उमामहेशा नमितोच
त्या मी ।। 2.2
नमः शिवाभ्यां वृषवाहनाभ्यां
विरिञ्चि-विष्ण्विन्द्र-सुपूजिताभ्याम् ।
विभूति-पाटीर-विलेपनाभ्यां
नमो नमः शंकर-पार्वतीभ्याम् ।। 3
तनूवरी चंदन कस्तुरीची । उटी सुगंधी गिरिजाच लावी ।
परी चिताभस्मचि लेप शोभे । महेश अंगावर गौरकांती
।। 3.1
नंदीवरी स्वार उमा-महेशा । सुपूजिती इंद्र हरी विधाता ।
उमा-महेशा गिरिजा-गिरीशा । प्रणाम माझा शिवपार्वतीला ।। 3.2
नमः शिवाभ्यां जगदीश्वराभ्यां
जगत्पतिभ्यां जयविग्रहाभ्याम् ।
जम्भारिमुख्यैरभिवन्दिताभ्यां
नमो नमः शंकर-पार्वतीभ्याम् ।। 4
(जम्भारि – जम्भासुराचा इंद्राने वध केला
म्हणून इंद्राला जम्भारि म्हणतात. विग्रह - शरीर)
असेच स्वामी तिनही जगाचा । महेश विश्वेश जगत्पती
हा
तिन्ही जगाचा प्रभु एक शौरी । करे जगाचा
प्रतिपाळ गौरी ।। 4.1
वधेच जम्भासुर राक्षसा
जो । सुरेंद्र तो सर्व सुरांसवेची
कुबेर अग्नी वरुणासवेची
। पदी जयांच्या करि वंदनासी ।। 4.2
तनू जयांच्या जयदायिनी ह्या । सदैव देती जय सर्व
कामी
उमा-महेशा गिरिजा-गिरीशा । प्रणाम त्याची शिवपार्वतीला ।। 4.3
नमः शिवाभ्यां परमौषधाभ्यां
पञ्चाक्षरी-पञ्जर-रञ्जिताभ्याम्
।
प्रपञ्च-सृष्टी-स्थिति-संहृताभ्यां
नमो नमः शंकर-पार्वतीभ्याम् ।। 5
( पञ्चाक्षरी – नमः शिवाय हा मंत्र. पञ्जर – पिंजरा /येथे कवचाप्रमाणे रंजित – आनंद देणारा, )
करी निरोगी भवरोग नाशी । शरीर-दोषा करितीच दूरी
अशीच ख्याती शिव पार्वतीची । अमोघ शक्ती वसतेच
नामी ।। 5.1
जगा असे औषधरूप दोघे । करेचि रक्षा कवचासमा ते
सुखी करी भक्तजनांस दोघे । सदैव भक्ता रमवीति
दोघे ।। 5. 2
असेचि पंचाक्षर मंत्र त्यांचा । मुखी जयांच्याच
नमः शिवाय
उमा- शिवासी सुखवी विशेष । मनास आनंद नितांत देय ।। 5.3
घडेचि उत्पत्ति स्थिती लयादि । असे तया कारण शंभु-शक्ती
उमा-महेशा गिरिजा-गिरीशा । प्रणाम त्याची शिवपार्वतीला ।। 5.4
नमः शिवाभ्यामतिसुन्दराभ्यां
अत्यन्तमासक्त-हृदम्बुजाभ्याम् ।
अशेषलोकैक-हितं-कराभ्यां
नमो नमः शंकर-पार्वतीभ्याम् ।। 6
असे जयांची रमणीय मूर्ती । जया पदी मी अनुरक्त
होई
कृती असे विश्वहितार्थ ज्यांची । प्रणाम त्याची शिवपार्वतीसी ।। 6
नमः शिवाभ्यां कलिनाशनाभ्यां
कङ्काल-कल्याण-वपुर्धराभ्याम्।
कैलास-शैलस्थित-देवताभ्यां
नमो नमः शंकर-पार्वतीभ्याम् ।। 7
( कंकाल – मानवाच्या अस्थि, नररुंडमाला/नरमुंडमाला.
रुंडम्हणजे धड तर मुंड म्हणजे मुंडके )
करेचि दूरी कलिकल्मषासी । प्रणाम त्याची शिव-पार्वतीसी
नटे उमा कांचन भूषणांनी । त्या रुंडमाळा सजवी
शिवासी ।।7.1
कैलास-शैलावर जे रहाती । साक्षात जे देव महान दोन्ही
उमा-महेशा गिरिजा-गिरीशा । प्रणाम त्याची शिवपार्वतीला ।।7.2
नमः शुभाभ्यामशुभापहाभ्या-
मशेषलोकैकविशेषिताभ्याम्
अकुण्ठिताभ्यां स्मृतिसम्भृताभ्यां
नमो नमः शंकर-पार्वतीभ्याम् ।। 8
मूर्ती जयांच्या शुभ ह्या असेची । हरीति सार्या अशुभा त्वरेनी
असे त्रिखण्डातचि वास ज्यांचा । मूर्ती तयांच्या
हृदि साठवील्या ।। 8.1
सदा स्फुरे रूपचि नित्य चित्ती । प्रणाम त्याची शिवपार्वतीसी ।। 8.2
नमः शिवाभ्यांरथवाहनाभ्यां
रवीन्दु-वैश्वानर-लोचनाभ्याम् ।
राकाशशाङ्काभ-मुखाम्बुजाभ्यां
नमो नमः शंकर-पार्वतीभ्याम् ।। 9
रथातुनी जे करिती विहारा । शशी, रवी अग्नि असे त्रिनेत्रा
मनोज्ञ भारी मुखचंद्रमा हा । अतीव आह्लादक सुंदरांचा
।। 9.1
रवीच प्राचीवर का उदेला । वा पूर्णचंद्रासम पौर्णिमेच्या
नीलाम्बुजाच्या सम चेहरा हा । गमेचि दोघांसचि
पाहतांना ।। 9.2
उमा-महेशा गिरिजा-गिरीशा । प्रणाम त्याची शिवपार्वतीला ।।
9.3
नमः शिवाभ्यां जटिलंधराभ्यां
जरा-मृतिभ्यां च विवर्जिताभ्याम् ।
जनार्दनाब्जोद्भव-पूजिताभ्याम्
नमोनमः शंकर-पार्वतीभ्याम् ।। 10
( जटिल – केसांच्या जटा, गुंतागुंत झालेला
वा बांधलेला तर दुसरा अर्थ सिंह आहे. पार्वतीचे वाहन सिंह असल्याने तिलाही जटिलंधर
हे विशेषण लागू पडते. )
प्रणाम माझाच जटाधरासी । आरूढ सिंहावर त्या उमेसी
आभूषणे केतककेवडा ही । जी केशभूषेत सदैव माळी
।।10.1
न रोग-मृत्यू भय ज्यांस काही
। जयांपुढे नम्र विधी हरीही
उमामहेशा जगपालकासी ।
प्रणाम त्याची शिव-पार्वतीसी ।।10.2
नमः शिवाभ्यां विषमेक्षणाभ्यां
बिल्वच्छदा-मल्लिकदाम-भृद्भ्याम्
शोभावती-शान्तवतीश्वराभ्यां
नमोनमः शंकर-पार्वतीभ्याम् ।। 11
त्रिनेत्रधारी शिव-पार्वतीसी । प्रणाम माझा अति आदरेची
वेणी सुगंधी बटमोगर्याची । वेणीवरी पार्वतिच्या रुळे
ती ।। 11.1
कंठी शिवाच्या बहु बिल्वमाला । असे सदा भूषण त्या
शिवाला
शांतवती हीच स्मशानभूमी । निवास तेथे करि चंद्रमौळी ।। 11.2
महेश्वरासीच महास्मशान । काशीपुरी हे प्रिय नित्य
जाण
असे अधिष्ठानचि ते शिवाचे । ती अन्नपूर्णाहि तिथे
रहाते ।। 11.3
वा थोर साधू वसतीच जेथे । त्या शांत जागाच हिमालयात
तेथेचि कैलासपती रहात । गिरीश गौरी सदनीच शांत
।। 11.4
ऐश्वर्य सौंदर्यचि अद्वितीय । कांचीपुरी ती नगरी
सुरेख
शोभावती ती प्रिय पार्वतीस । तिचे अधिष्ठान असे
तिथेच ।। 11.5
शोभावती शांतवतीत ऐशा । निवास आहे शिव पार्वतीचा
उमा-महेशा गिरिजा-गिरीशा । प्रणाम ऐशा शिवपार्वतीला ।। 11.6
नमः शिवाभ्यां पशुपालकाभ्यां
जगत्त्रयी-रक्षण-बद्ध-हृद्भ्याम् ।
समस्तदेवासुरपूजिताभ्यां
नमोनमः शंकर-पार्वतीभ्याम् ।। 12
सिंहास नंदीसचि पाळताती । प्रणाम त्याची पशुपालकांसी
अज्ञान जे लोक पशू दुजेची । सांभाळती त्यांसहि हे विशेषी ।। 12.1
जगत्त्रयाची करि देखभाल । प्रेमे अती हेचि दयार्द्रचित्त
प्रेमे जगाचा प्रतिपाळ
हाच । उद्देश त्यांचा सहजस्वभाव ।। 12.2
पूजी तयांसी सुर सर्व दैत्य । गंधर्व ते किन्नर आणि यक्ष
उमा-महेशा गिरिजा-गिरीश । प्रणाम त्याची शिवपार्वतीस ।। 12.3
स्तोत्रं त्रिसन्ध्यं शिवपार्वतीभ्यां
भक्त्या पठेद् द्वादशकं नरो यः ।
स सर्वसौभाग्यफलानि भुङ्क्ते
शतायुरन्ते शिवलोकमेति ।। 13
जो स्तोत्र बोले शिवपार्वतीचे
तिन्ही त्रिकाळी अति भक्तिभावे
तयास दीर्घायु सुभाग्य लाभे
देहान्त होता शिवलोक पावे ।।13
उमा महेशापदि अर्पिले मी । सुयोग्य भाषांतर हे मराठी
अरुंधती ही कृतकृत्य होई । करून भाषांतर हे मराठी ।।
फलश्रुती आणिक श्लोक बारा । एकाहुनी एक रसाळ देखा
येवो पसंतीसचि वाचकांना । आनंद लाभो नित वाचताना ।।
----------------------------------------------------------------------
पौष शुद्ध प्रतिपदा, 14 जानेवारी 2021
No comments:
Post a Comment